Уживајте во Македонија во секоја сезона!
Почнува  скијачката сезона на  “Попова Шапка”  со бесплатно скијање за посетителите 

Почнува  скијачката сезона на  “Попова Шапка”  со бесплатно скијање за посетителите 

ЕЛЕМ ТУРС и скијачкиот центар “Попова Шапка”  со задоволство ве информираат дека од утре (среда, 31 декември), започнува новата скијачка сезона на Попова Шапка со бесплатно  за сите посетители.
Спроведени се сите технички подготовки и активности за непречен почеток и тек на претстојната скијачка сезона, а во текот на вчерашниот ден заврши уредувањето и обележување на постојните патеки.

Во ски центарот е воспоставено комплетно улично осветлување кое започнува од хотелот „Попова Шапка“ до жичара Син Врв, потоа продолжува  покрај ски патот и скилифтот „Мал Јелак“  и завршува пред манастирот Свети Наум Охридски.  За таа намена, се поставени осум нови столбови со што  целосно е осветлен теренот за ноќно скијање. За утрешното отворање на сезоната во функција ќе бидат ски лифтовите Аеродром и Ге.

Од 1 јануари ќе  важат вообичаените цени за ски билети. Целодневниот  ќе се продава по цена од 900 денари,  полудневниот  билет е  600 денари, а  ноќното скијање ќе  чини  500 денари.  За младите скијачи до 12 годишна возраст  билетите ќе чинат 400 денари, а цената на сезонскиот билет останува  10.000 денари.

 

Close Menu