Уживајте во Македонија во секоја сезона!
Планинска куќа Маврови Анови

Планинска куќа Маврови Анови

Во срцето на националниот парк Маврово, одморалиштето Маврови Анови е едно од најомилените сврталишта токму поради разновидноста која ја нуди во текот на целата година.

Опколено од високи планини, огреано од сонце, распослано со недопрена природа, отворено кон Мавровското езеро, нуди безброј можности за рекреација и уживање. За љубителите на квалитетното скијање, одморалиштетео се наоѓа во близина на скијачкиот центар Заре Лазаревски и ски патеките.

Оние пак кои ја преферираат топлината на летното планинско сонце, може да уживаат во пешачките и велосипедските патеки. За оние поавантуристички расположени, Мавровското Езеро нуди можности за најразлични спортови на вода. Вљубениците во културата и традицијата, можат да ги посетат манасторот Св. Јован Бигорски, да прошетаат до Галичник и да конзумираат традиционална македонска кујна.

Или едноставно само да уживаат во чистиот планински воздух, гостопримството на домаќините и убавината на планинскиот пејзаж.

  • Планинска куќа Маврово / Mountain lodge Mavrovo

Планинската куќа се наоѓа во населбата Маврови Анови, во срцето на националниот парк Маврово, во непосредна близина на Мавровското езеро и опколен со планините Бистра, Кораб, Дешат.

Во рамки на природна убавина, со неговата местоположба и инфраструктура, објектот нуди пријатен престој, одмор, забава и рекреација преку целата година.  Се наоѓа на само 10 минути од скијачкиот центар Заре Лазаревски и 100км оддалеченост од Скопје.

Сместувачки капацитет:

  • 14 соби со три легла,
  • 2 еднокреветни соби,
  • 2 двособни апартмани со по четири легла,
  • заедничка кујна, перална.

Одмаралиштето станува соспственост на ЕЛЕМ ТУРС ДООЕЛ Скопје на 20. јули 2012 година.

Во моментов има едно лице од ХЕС МАВРОВО во функција на домар за пречекување на гости и двајца чувари на објектот исто така вработени во ХЕС МАВРОВО. Нема вработени лица од ЕЛЕМ ТУРС во подружница Маврово.

ЦЕНОВНИК ЗА КОРИСТЕЊЕ НА УСЛУГИТЕ ВО ПОДРУЖНИЦА „МАВРОВИ АНОВИ – МАВРОВО” 2017/2018 ГОДИНА

Преземете ЦЕНОВНИК…

Период Септември до Април Мај Јуни Јули Август
Тип на соба      
Гарсоњера 1100,00 900,00 1000,00
Апартман 1300,00 1000.00 1200,00

Дополнителни информации за капацитетите во Одморалиште „Маврови Анови” – Маврово:

  • Цената се однесува за понудениот тип на соба со пресметан износ на ден.
  • Во цената на услугите е пресметана дневна туристичка такса во висина од 40денари и ДДВ.
  • За деца до 12 години не се пресметува туристичка такса.
  • Начин на плаќање: во готово на рецепција, со сите видови платежни картички и вирмански, со претходно испратена про-фактура.
  • Хотелите располагаат со сопствен, бесплатен паркинг.
  • Цените се изразени во денари и сите услуги во хотелите се наплатуваат во денари.

Попусти:

  • Деца до 5 години кои не користат услуги за сместување и храна добиваат 100% попуст на редовната цена.
  • Деца од 5 – 12 години кои користат ресторантски услуги и услуги за сместување добиваат 30% попуст на редовната цена.
  • Деца од 5 – 12 години кои користат само ресторантски услуги добиваат 50% попустна редовната цена.
  • Деца од 5 – 12 години кои користат само помошни услуги за сместување добиваат 70% попуст на редовната цена.

Контакт за резервација: Маврови Анови, Планинска куќа

  • Тел: +389 2 3149 128
  • Факс: +389 2 3149 129
  • info@elemturs.mk
Close Menu